ငယ်ငယ်တုန်းကမျှစ်ပါ

ခလောက်နို့ နယ်မှာ ဒီကနေ့ ထိ မိဘစကားနားထောင်တဲ့ သားသမီးဆိုတဲ့
ဂုဏ်ကို ကလေးတွေက လိုလိုလားလား ရှိကြတယ်တဲ့ ။ လူကြီးတွေကလဲ
သူတို့ သားသမီးတွေက သူတို့ စကားကို ဘယ်လိုနားထောင်တာပဲလို
အချင်းချင်းကြွားလေ့ရှိကြတယ် ။မိဘစကားနားမထောင်တဲ့ သားသမီးဆိုရင်
ရွာကလူရာမသွင်းပဲ ၀ိုင်းပယ်တားလေ့ရှိကြတယ် ။ဒါကြောင့်လဲ သားသမီးတွေက
မိဘစကားကို နားထောင်ကြတယ်လို့  တချို့ က ယုံကြည်ကြတယ် ။
ဘယ်လိုပဲ ယူဆတဲ့လူက ယူဆကြပါစေ ခလောက်နို့ က ကလေးတွေက
လူကြီးမိဘစကားကိုနားထောင်တာ ကနေ့ ထိ စံနမူနာယူလောက်ပါတယ် ။

အဲဒီပေစာရေးလူလွတ်ကိုတွေ့ တော့ မုဆိုးမကြီးက ဒီလူနဲ့ သာ သူ့ သမီးကို နေရာချလိုက်ရရင်
သူ့ သမီးဟာ ပညာရှိကြီးနဲ့ ပေါင်းဖော်ရလို့  ဂုဏ်လဲရှိတယ် ၊ ငွေကြေးဝင်လမ်းလည်းဖြောင့်
မယ် ၊ တစ်သက်တာစိတ်ချနိုင်ပြီလို့ တွက်ပြီး စေ့စပ်ဖို့ နဲ့ မင်္ဂလာရက်ကောင်းရက်မြတ်ကိုပါ
ရွေးလိုက်တယ် ။

နေ့ ရက်တွေရွေးပြီးတော့မှ သမီးအတွက် စိတ်ချရတဲ့ သမက်ရွေးပြီးပြီ ဆိုတာရယ် ၊ မင်္ဂလာ
ရက်ကိုလဲ သက်မှတ်ပြီးပြီဆိုတာကို ပြောလိုက်တယ် ။ သမီးကလဲ အမေ့သဘောပါလို့ ပဲပြန်
ပြောတယ် ။ ဘယ်ကလဲ ၊ ဘယ်သူလဲ ၊ ဘာလုပ်လဲ ၊ ဘယ်မှာနေလဲ ၊ ဘယ်အရွယ်ရှိပြီလဲဆို
တဲ့ မေးခွန်းမျိုးတောက် ပြန်မမေးလိုက်ဖူး ။

လက်ထပ်မယ့်နေ့ ကျမှ သတို့ သားကိုမြင်ရတော့မှ သမီးဖြစ်သူက မိခင်ဖြစ်သူပေါ် မကျေမနပ်
ဖြစ်ချင်လာတယ် ။ ဘာဖြစ်လို့ လဲဆိုတော့ သူနဲ့ လက်ထပ်ရမယ့်လူက သူ့ ထက် အသက် အများကြီးကြီးလွန်းနေလို့ လေ ။

ဒါပေမယ့် မိဘစကားနားထောင်တဲ့ သမီးပီပီ သူအမေစီစဉ်တဲ့အတိုင်းနာခံလိုက်ပါတယ် ။ ဒါပေမယ့် သူရင်ထဲကမကျေနပ်တာလေးကိုတော့ သူ့ အမေကိုထုတ်ပြောလိုက်တယ် ။
“အမေလူကအသက်ကြီးလှပြီ ၊ အိုလှပါပကော” တဲ့ ။

ဒီတော့ သူ့ အမေမုဆိုးမကြီးက “ ဟဲ့သမီး ဒီလူဟာ မအိုခင်ငယ်ငယ်တုန်းက လူပျိုပဲဟဲ့” လို့ 
ပြန်ပြောလိုက်တယ် ။

နောက်နေ့ မနက်မိုးလင်းတော့ နေ့ စဉ်ဝတ္တရားအရ ထမင်းချက်ရတဲ့ သမီးဆီကတဒုံးဒုံးနဲ့  တစုံတခုကို ခုတ်ထစ်နေသံကြားတာနဲ့  အမေဖြစ်သူက မီးဖိုထဲဝင်ပြီးကြည့်တယ် ။
ဒီမှာဘာတွေ့ လဲဆိုတော့ သမီးဟာ မျက်ရည်တွေတွေကျပြီး ခင်းထားတဲ့ ၀ါးခြမ်းပြားကို
ဖြုတ်ပြီး လက်ညှိုးအရွယ် ၊ လက်မအရွယ် အတုံးအတစ်လေးတွေဖြစ်အောင် ခုတ်ထစ်နေတာ
တွေ့ တာနဲ့  “ ဟဲ့သမီး ၀ါးခြမ်းပြားကလေးတွေ ဘာလုပ်ဖို့ လဲ ” လို့ မေးလိုက်တယ် ။

ဒီတော့ သမီးဖြစ်သူက ရှိုက်သံနဲ့  “ဟင်းချက်မလို့  အမေ ” လို့ ပြန်ဖြေတယ် ။
ဒီအခါ အမေဖြစ်သူက “ ညည်း ရူးများနေသလား ၊ ကြမ်းခင်းတဲ့ဝါးခြမ်းကို ဟင်းချက်ရတယ် ”
လို့ ပြောတော့ သမီးက “ ဒီဝါးခြမ်းပြားဟာလည်း ငယ်ငယ်တုန်းက မျှစ်ပါပဲ အမေရဲ့ ” လို့ 
မျက်ရည်တွေ သွန်ချလိုက်ရင်း ပြန်ပြောပါသတဲ့ ။